AfriForum Teater · Pretoria
Betree The Perfect Blendship (bariton Douwe Bijkersma en mezzosopraan Lanie Coetzer) se asemrowende Kersfees-wonderwêreld by AfriForum Teater! Ondersteun deur uiters professionele gaskunstenaarvriende en twee uitmuntende kore kan jy saam met ons jou vere regskud vir Kersfeesmusiek uit die boonste rakke.
Dit beloof om ‘n betowerende ervaring te wees vir jonk en oud! Kom vul ook ons Krismiskous met ’n koevertjie vir ’n kind ten bate van die President Kruger Kinderhuis en maak sodoende ’n verskil! Groepbesprekings en pensioenarisse: Groepe van tien of meer, asook pensioenarisse, kan hul kaartjies aankoop teen slegs R250 per persoon.