Joshua na die Reën - Ek my klavier, en my Katedraal

Net ek, alleen met my klavier en kitaar, saam met julle. Ek wik en weeg al lank om by die Atterbury Teater 'n Solo show te kom doen. Die tyd voel reg. Ek weet baie van julle het al gevra vir akoestiese "stripped down" weergawes van my musiek, soos wat ek dit op my klavier geskryf het.

En nou is dit my kans om dit so met julle te kom deel, en sommer ook van my skryfwerk wat nog nooit opgeneem is nie. Ek sien uit na 'n spesiale intieme aand saam met julle, asof ons saam om 'n kampvuur sit en saam lag en huil en die lewe voel.